जन्मजात हुने अपाङ्गता (Birth defects) भनेको metabolic disorder लगायतका त्यस्ता संरचनात्मक वा कार्यात्मक असमान्य अवस्था होे जुन जन्मदेखिनै व्यक्तिमा रहेको हुन्छ । केहि बालबालिकाहरुमा शारीरिक समस्याको साथै जन्मजात हुने अपाङ्गताहरु पाइन्छ भने कतिपय बालबालिकाहरु हेर्दा सामान्य अवस्थाका देखिन्छन् । जन्मजात हुने अपाङ्गता जन्महरु कहिलेकाहीँ बच्चा जन्मिएको महिना–बर्ष–दिन सम्म पनि नदेखिन सक्छ ।

विश्वमा हरेक वर्ष १६ मध्ये १ (८० लाख) बालबालिकाहरु जटिल किसिमको जन्मजात अपाङ्गता लिएर जन्मिन्छन् । जस मध्ये ३० लाख बालबालिकाहरुको ५ बर्षको उमेर नपुग्दै मृत्यु हुन्छ । नेपालमा हरेक वर्ष करिब ४३,४७७ बालबालिकाहरु जन्मजात अपाङ्गता लिएर जन्मिन्छन् ।
आज मिति २०७४ फाल्गुन २० गते परिवार स्वास्थ्य महाशाखाको आयोजनामा स्वास्थ्य सेवाको निमित निर्देशक श्री चुणामणि भण्डारी को अध्यक्षतामा विश्व जन्मजात हुने अपाङ्गता दिवस (The 4^th edition of the World Birth Defects Day -3^rd March) मनाइयो । यस वर्षको नारा “कतिपय जन्मजात हुने अपाङ्गताबाट जोगिन सकिन्छ र यसको उचित व्यवस्थापन गर्न सकिन्छ । जन्मजात हुने अपाङ्गता सम्बन्धी जनचेतना फैलाउन सहयोग गर्नुहोस् “Many birth defects can be prevented & treated. Help spread global awareness for World Birth Defects Day” #WorldBDDay भन्ने नारा सहित सरकारी र गैर सरकारीतवरले के कस्तो कार्यक्रम गरीरहेको भन्ने प्रस्तुतीकरण गरी मनाइयो । उक्त कार्यक्रममा विश्व स्वास्थ्य संघबाट डा. मिरा थापा उपाध्ययले विश्वमा जन्मजात हुने अपाङ्गता सम्बन्धी के कस्तो कार्यक्रम भइरहेको छ भनेर प्रस्तुतीकरण गर्नुभयो । परिवार स्वास्थ्य महाशाखाबाट श्री शरद कुमार शर्माले नेपालमा भइरहेको कार्यक्रम बारेमा प्रस्तुतीकरण गर्नुभयोे । त्यसै गरी गैर सरकारी संस्थाहरु Autism Care Nepal Society, Down Syndrome Association of Nepal, Cerebral Palsy Self-help group, , करुणा फाउण्डेसन नेपालबाट पनि प्रस्तुतीकरण गर्नेभयो ।
कार्यक्रमको अन्तमा परिवार स्वास्थ्य महाशाखाको निर्देशक डा. विकास देवकोटाले जन्मजात हुने अपाङ्गता सम्बन्धी कार्यक्रम विस्तृत रुपले लानु पर्ने र जनचेतना फैलाउनु पर्ने कुरालाई जोड दिदै कार्यक्रम समापन गर्नुभयो ।